पक्षाचे राष्ट्रीय अध्यक्ष आ. खा. शरद पवार साहेब यांच्या मार्गदर्शनाखाली राष्ट्रवादी काँग्रेस पक्ष-शरदचंद्र पवार पक्षाशी जोडलेला प्रत्येक कार्यकर्ता हा सर्वसामान्यांच्या प्रगतीसाठी सदैव कटिबध्द आहे!

‘राष्ट्रवादी काँग्रेस पक्षाची स्थापना १० जून १९९९ रोजी झाली. पक्ष स्थापन झाला, त्यावेळी साहेबांचं वय ६० वर्षे होतं. आज साहेब ८३ वर्षांचे आहेत. पवार साहेबांनी ‘राष्ट्रवादी काँग्रेस पक्ष-शरदचंद्र पवार’ ची उभारणी केल्यानंतर तीनच महिन्यात राजकीय पक्ष म्हणून मान्यता मिळाली. स्थापना काळात साहेबांनी सांगितलं की मी नव्या पिढीला प्राधान्य देणार, पक्ष स्थापन झाल्यानंतर दोन महिन्यातच महाराष्ट्राच्या निवडणुका लागल्या. नुकताच स्थापन झालेला पक्ष दोन महिन्यांत निवडणुकांना सामोरा गेला. तोही लोकसभा आणि विधानसभेला एकाच वेळी. तयारी करण्यासाठी अवधी सुद्धा पक्षाजवळ नव्हता. पण पवार साहेबांच्या नेतृत्वाखाली असंख्य तरुण मंडळी एकवटली. राष्ट्रीय पातळीवरच्या लोकांपासून ते स्थानिक लोकांपर्यंत सगळ्यांना घेऊन साहेब निवडणुकीला सामोरे गेले. प्रत्येकाने त्यांना दिलेली कामगिरी चोखपणे पार पाडली. लोकांनीसुद्धा पवार साहेबांना भरभरून प्रतिसाद दिला. तीन महिन्यांपूर्वी स्थापन झालेला पक्ष केंद्रात सत्तेवर येऊ शकला नाही. पण राज्यात मात्र काँग्रेससोबत सत्तेत आला. आणि तिथपासून ते आजपर्यंत राष्ट्रवादी काँगेस पक्ष अविरतपणे राज्यासह देशपातळीवर दैदीप्यमान कामगिरी बजावत आहे.